يا أغلى من حياتى
يا أغلى من حياتى واغلى منى ذاتى
باحب احلم بصورتك واحضنها ليلاتى
اشوفك فى الورود مرسومه ع الخدود
طيفك دايما معايا ياحب مالوش حدود
واشوفك فى الليالى قمره ساكنه العلالى
دايما شاغله لى بالى واغلى من كل غالى
اشوفك فى النهار ماشيه بخفه ودلال
اقول ده حبيبى فعلا ولا مجرد خيال
اشوفك فى الربيع وجمال حلو وبديع
اضمك جوه قلبى واخاف هواك يضيع
انتى كل الامان والطيبه والحنان
وانتى الحلم الجميل باحلم به من زمان
ياحب مالوش بدايه ولا هيكون له نهايه
حبك ساكن فى دمى لمماتى ومنتهايه
شعر احمد اسماعيل \ شاعر العرب
ليست هناك تعليقات:
إرسال تعليق