سلم عليا الواد
و بكل حنيه قرص على إيدى
من حلو قسوتهم
غارت إيدى التانيه
يادوب فاتت ثانيه
دابت فى حلاوتهم
سحب إيديا عليه
قلبى غرق فيا
راحت عنيا عليه
و عنيه راحت فيا
زرق العيون صافى
موجهم لطيف هادى
تهت فصفا بحرهم
عايمه على سطحهم
وانا شايفه نن عنيه
طيفهم شعاع ألون
زى القزح مايبان
خيالى هيألى إنه شعاع شمسهم
جت من بعيد موجه
لفت حواليا
ساب شعرى
على ضهرى
و ربطتلى رجليا
لقيتنى بتحول من واحده إنسانه
لواحده جنيه
شايفه السمك ألوان
بيلف حواليا
فجأه و لقيت حاجه قابلتنى جوه البحر
إنسانه بتبصلى
على شكل جنيه
قربت و سألتها
إيه اللى جابك هنا
ضحكت و قالتلى
إللى حصل ليكى نفسه حصل ليا
قولتله إحكيلى
ردت و قالتلى
سلم عليا الواد ........
و قبل ما تكمل باقيت حكايتها
رجعلى تفكيرى
لقيتنى بطلع فوق
و عومت لما وصلت
على ضفة الميه
لقيتنى مش داريه
وفحضنه مرميه
و فوقت من حلمى
و قولتله كفايه
إبعد عنيك الزرق
تبص فعنيه
خايف تغرقنى
ولقينى بتحول
من واحده إنسانه
لواحده جنيه ..... طلعت العسيلى
ليست هناك تعليقات:
إرسال تعليق