قِناع سَاحِر
*********
الوجه وجه مَلاك
والقلب وحْش كَاسِر
جُوّاك دِيب فَتّاك
لابس قِناع سَاحِر
تِخدَع عيون عاشقَاك
تقتل حِس المَشَاعِر
دِيب عايش جُوّاك
من بَرّه رِقّة شَاعر
تقتل ملايين بِهَواك
طول عُمر طريقك واعِر
تِعشَق طَبْع الخِدَاع
وخلاص بَان أصلَك
طِيبتَك طِلعت قِناع
بِتزرع بِيها مَصْلَك
تِعشَق زَرْع الأوجَاع
انتهى خلاص فصلك
غَشّاش بدرجة معلّم
أُستاذ ظُلم وعذاب
مِنّك الدِيب يتعَلّم
يقتل أغلى الأحباب
جَرّب مَرّه وتِتكلّم
خلّينَا نشوف أنيَاب
بقلم / سيد عبدالوهاب
ليست هناك تعليقات:
إرسال تعليق